السبت، أبريل 02، 2011

لهذه الاسباب..منتو كفو رئيس شعبي

كماستكا..نماستي


........


ندش بالموضوع .. يقولون نبي حكومة شعبية


جميل جدا.. نفرض ان مطلق صار رئيس وزراء

مشاري وسرور وجواد بيعترضون


نفرض المشري صار رئيس وزراء


مطلق وسرور وبوجواد بيعترضون


نفرض سرور صار رئيس وزراء


مشاري ومطلق وجواد بيعترضون


نفرض جواد صار رئيس وزراء


مطلق وسرور ومشاري بيعترضون

........


شالدبره الحين..نبي رئيس وزراء شعبي


بسيطه .. عدلو الدستور وسمحو بتشكيل الاحزاب


على ضوءها تصير انتخابات برلمانية


واللي عنده اغلبية يشكل حكومة


........


لكن السؤال اللي يطرح نفسه

بوجود النفس القبلي والطبقي والطائفي والحزبي


هل فعلا راح تصير عندنا احزاب؟ ..او طوائف؟


........


اللي ينادي اليوم برئيس شعبي اهو نفسه اللي


انتخب الوعلان بناء على القبلية


واهو نفسه اللي رشح الدويسان


بناء على الطائفية


وهو نفسه اللي ارتضى بــ مرزوق الغانم

بناء على الطبقية


وهو نفسه اللي اختار الطبطبائي


بناء على الحزبية


........


اخيرا حالنا اشبه بمجموعة قررت تطلع البر


وتواعدو بالمطلاع ولما وصلو اكتشفو انهم


نسو مكينة الكهربا وتانكي الماي والماجلة


والخيام وفوق هذا السيارت اللي يايين

فيها بانزينها تقريبا خلص


واقرب محطة بانزين تبعد 20 كيلو


كل همهم كان انهم يطلعون البر وبس


لكن هل استعدو حق هالطلعه


اترك الإجابة لكم


خـــدافــس


........


تــــا بـــعـــو نــي