الخميس، مارس 31، 2011

قــصــتــي مــع الــفــاتــنــة 13

قصتي مع فاتنتي ليست من وحي الخيال

وسطوري اوتار قيثارة عزفت اجمل نغم

و حروفي التي ابعثرها هنا على صفحات

هذه المدونة لحن حياتي المفقود

........

بوراشد..لي متى واحنا على هالحال

كل سفينة لها مرسى ومينا تحط رحالها عليه

بوراشد تعبت وانا ابحر معاك ولاتفهمني غلط

انا مستعده اعطيك عمري كله بس لكل مشوار نهاية

انت قلتلي مره بنلتقي ..وعدتني ان شراعي بيلحف

مركبك .. منيتني بهوى روحك

لي متى يابوراشد وانا انتظر هوى روحك

يداعب شراع رحلتنا وياخذنا لشاطئ واقعنا

لي متى قولي ابي اجابة؟

........

ترددت بالإجابة..وماكان ترددي هروب ..كان

خوف .. كنت خايف انهي هالرحلة مع اني

كنت متأكد ان نهايتها بداية

خفت من المجهول..خفت تتكرر معاي قصص حب

انتهت بالفشل بعد الزواج

جوابي على سؤالها..مادري

........

التفتت علي ..شنو يعني ماتدري

لو واحد ثاني يجاوبني بهالطريقه اعذره

لكن انت بالذات هالإجابة مو مقبولة منك

من عرفتك وانت سيد قراراتك

وادري اني سيدة روحك .. وهواك اللي تنفسه

قول شاللي مخليك ماتتخذ قرار

........

الخوف من المجهول

.......

وانا بعد خايفه..لكن لكل قصة نهاية

انا اخترتك بداية

والقرار الحين عندك

نبدأ من حيث انتهينا او نطوي الصفحة الاخيرة

........

دورتج بين ثنايا صفحات.. وصفحات

لقيت روحج داخل قليبي تحتريني

سافرت عنج يابعد حيي.. باعدت المسافات

اثاري البعد عنج يطوي كل مافيني

..........

تــــا بـــعـــو نـــي