الاثنين، أبريل 04، 2011

قــصــتــي مــع الــفــاتــنــة 14

فجائع الدهر انواع(ن) منوعة(ن)

وللزمــان مسرات(ن) واحــزان(و)

........

فزيت من غرقة نومي..تعوذت من ابليس

كان حلم مخيف..واللي زاد الطين بله اني

كنت بغربه..الساعة شارفت على الثانية صباحا

لبست وتوجهت لمقهى قريب من السكن

المكان كان تقريبا فاضي..تنعزت وطلبت

ارجيله مع شاي مغربي..ومع اول رشفه

مسكت موبايلي ودزيت مسج لرفيق دربي

المسج يقول...

شالدبره ياحمد شالحل وياه

تعبت من نفسي ونفسي

ضاقت منها سنيني

غيره حليلي والدين

حرم علي طرياه

ودين المحبين حرم

علي غيره حليلي

........

حطيت الموبايل .. ومزجت مع الأرجيله

وانا بقمة اندماجي..سمعت صوت ناعم

صباح الخير..التفت اشوف منو

ولا الطاولة اللي يمي .. سيدة جميلة

جدامها فنجان قهوة..طريقة لبسها

وملامحها تقول خليجية لكن اللكنة

شوي فيها تكسر.. رديت التحية

صباح الخير وابتسمت وسألتهابخباثة

ممكن اعرف سبب التحية

........

ابتسمت وكان لابتسامتها سحر

عجيب..بصراحة ودي اسلي وحدتي

فزيت من الكرسي وتوجهت للكرسي المقابل

لها بطاولتها وقعدت ..ناديت الجرسون

لو سمحت انقل طلباتي لطاولة السيدة

........

سياحة ولا رحلة عمل..كان هذا سؤالي لها

........

تقدر تقول مقيمة بحكم الدم .. انا سعودية

لكن والدتي اجنبية وحكم علي القدر

ان حياتي تتقسم بين وطني وبين والدتي

والحين انا اوجهلك السؤال :)

........

نقاهة وممكن تقولين هروب

........

كالعادة قصة حب :)

........

اذا تبين الوصف الدقيق توابع القصة

........

مممـ .. اجابة جميلة ومعبرة.. ولها دلالة

اذا خلني اتطفل اكثر

شنو سبب وجودك وبهالساعة المتأخرة بهالمكان

........

حلم مزعج وغريب ومحير

........

شرايك تسولفلي عن حلمك .. قلتلك

ابي اسلي وحدتي وانت كريم وانااستاهل :)

........

الحلم عبارة عن مشهد

ممر طويل .. انا واقف بأول الممر

وآخر الممر كانت فاتنتني جالسة على

الأرض وساندة ظهرها على باب غرفتي

وكان في شخص متمدد على الارض وراسه

على حضنها..وكانت تبكي بحرقه

حاولت اعرف منو هالشخص لكن ملامحه

ماكانت واضحه .. شديت خطوتي صوبها

وكانت خطواتي جدا ثقيلة..ويوم وصلت عندها

شفت نفسي ميت بحضنها..وبعدها فزعت من نومي

........

سرحت شوي وبعدها قالت

حلمك يجسد واقعك..انت حي بجسدك

لكن روحك معاها..روحك وردة جميلة

لكنها اجتثت من بستانها وتركت لتذبل

بين ايادي من لايملك لها الآن لا

ماء ولا هواء ولا ضوء

واذا استمريت على هالحال بتخسر

جسدك وروحك معا..سامحني على صراحتي

لكن هذي رؤيتي وقد اكون مصيبة

والعكس صحيح وعلى فكرة اسمي سارة

........

وانا بوراشد وفاتنتي مي..

واذا ماخاب ظني فأنتي مفاجأتي السارة

وللحديث بقية

........

تــــا بـــعـــو نــي