الفصل الرابع
نهايات المشهد الثالث
دار هالنقاش بين المنطق والعاطفه
ــــــــــــــــــــــ
ابيج تقوليلي الحين شفادتج احلامج الورديه
وين ألوان قوس قزح اللي رسمتيها حق هالمسكين
ليش خليتيه يوصل القمر وهو مدفون بالأرض
ماتيوزين من سوالفج
......
انت شتبي ؟؟؟!!
تبي الحياة على كيفك
يعني معقوله تبيه يعيش مابين ارقام
وحسابات وسياسة ورياضة ولوية الحياة
صج منطق غريب !
......
منطقي اللي مو عاجبج يقول ان ممكن
بأي لحظه يطيح بمرض أو يصيرله حادث
أو يطيح بمصيبة حزتها الأرقام اللي تسولفين
عنها راح تساعده ان يطلع من أي مأزق
......
رووووووووووح زين
ارقامك ومنطقك من غير عاطفه
تخليه مثل اللي جدامه كبت متروس
هدوم ويكون بعز البرد بوسط صحرا ومفسخ
ومو قادر يمد ايده علشان يلبس ويدفي عمره
الأرقام اللي تسولف عنها ممكن بأي
لحظه تبخر وتصير صفر
......
اتصدقين انتي تضحكيني
ماسمعتيه يوم قال
......
قالتله قبل لا تروح
بتنساني
واللي خلقني خلق مثلي
ارواح ياراشد
تلتقي ثم تفترق
اليوم نضحك
وباجر كلنا
فاني
:/
......
انت مسكين لأنك ماتعرف قيمة العاطفه
واكبر دليل يوم قال
......
واذكر اني ليلتها
اهذري من وجع روحي
وكانت هذي كلماتي
مناي انتي
وكل الكون
محتاج لمطر غيمج
تعالي وغسلي همومي
طهريني
من ذنوبي
ابي اصحى من احلامي
والاقي زهرة ايامي
تعالي وجبري
الخاطر
تعالي اليوم قبل باجر
......
ويتوقف القلم عند هالنقطه عن الكتابه
لأن الصراع ما بين العقل والقلب عمره
ماراح يتوقف
المشكله ان نتائج هالصراع دايما مايكون
اثرها بالغ على مسرح الأحداث
وللحديث بقية
تـــا بــــــعــــــــو نـــــــــــــــي
