عندنا مشكلة نفسية بهالديرة اسمهاانا كويتي انا كويتية
الكويتي دايما يعتقد نفسه احسن واحد
تقعد مع واحد تلقاه ثور ما يفهم شي بالدنيا
تسولف معاه عن مشكلة ثقب الأوزون
تلقاه على طول برمج نفسه وقام يسولف معاك
عن المشكله وشلون الماي يتبخر من الغوري
وان الغوري لي غلى الماي تلقى الغطى
يجكجك ويطلع صوت ويبدا عاد يتفنتك
ان طبقة الجو نفس غطى الغوري
تقعد مع وحده بقره ماتعرف الفرق بين
الإنسان الأول وبو يعل
وتلقاها تقولك احنا نياده وخوالي حكمو الجزيرة
وزرقاء اليمامه احلا وحده بالدنيا
والأوربيات باسجات وماعندهم رهش
والزين عندنا والشين حوالينا
وتلقاها يونية عيش
وفوق هذا وذاك جذابين منافقين
تلقى سني قاعد مع شيعي
ويسولفون تقول بلابل من يقفي واحد
تلقى السني قال هالشيعه مشكله يسبون
الصحابه ويلعنون
والشيعي تلقاه تولى السني وقال هذول
مايعتبرون ولاية اهل البيت من اركان الإسلام
وهذا يعتبر خروج عن الدين
حضري تلقاه قاعد مع بدوي اللي يشوفهم
يقول الزير مع اخوه كليب
من يفارج واحدهم الثاني
الحضري على طول
كلونا البدو
والبدوي مايثنيها ابتلشنا بهالخكره
اللي شافطين الديره من سنين
الشيوخ مو عاجبهم ان الكويتيين مايعاملونهم
نفس شيوح المنطقه ويصيرون صبيان عندهم
والشعب مو حامد ربه ان الله عطاه اسرة
ما تظلم ولاتعتقل ولا تبطش
شعب اغلبه مسكين لاثقافة ولا علم
وكل طموحه يسكن بفيلا ويشتري سياره حلوه
ويشتري آخر موبايل ويلبس عالموضه
والسياسه عندهم نائب لسانه طويل ويصرخ
على وزير او مسؤول كبير او شيخ
شعب الإنجاز الأكبر عنده استجواب
رئيس وزرا او تغييره او حل حكومة
شعب قاعد يصفق ويرقص لأن 37 مليار دينار
انحطت بإيد مجموعة راح تبوق
ثلاث ارباعها والباجي مشاريع من طقة
استاذ جابر وجامعة الشداديه
شعب ما يقدر يقول حق نائب اسمه
الرمز انت اليوم غلط لأنهم يعبدون اشخاص
شعب مريض يحب الحش وهوايتهم الحسد
شعب كل همه ياكل بمطعم ويروح يفر مؤخرته بمجمع
شعب سخيف ساذج حتى باحتفالاته الوطنية
ومسؤولين اسخف كل ما حصلهم عطلة يومين
خلوها اسبوع وطز بمصالح الديره المهم
يسافرون او يروحون الشاليه
لا انجاز لا عمل لا طموح
مجرد كلام وحجي والمجالس والجرايد والدواوين
والجمعيات والأحزاب والقهاوي تشهد على انكم
شعب يتكلم ولا يفعل
شعب ما حافظ على تراث اجداده اللي بنو
هالديره من الصفر لا نفط ولا غاز ولا عماة عين
ماكان جدامهم إلا البحر واهواله
والبر كان دار مدارهم ناس طمعانه فيهم
اصبرو على المرض وظلم الجار وقسوة الطبيعة
وكل هذا ماردهم انهم يسلمونا دانه اسمها
الــــــــكـــــــــويـــت
بتعبهم وجهدهم واصرارهم وتفانيهم واخلاصهم
لكن للأسف انكم ماقدرتو هالدانه
وصرتو نفس المكوه اللي كلت اطيب شي
وبالتالي طلعته ز ق ا ن
يمكن يكون كلامي قاسي وناشف ومؤرف لكن
للأسف هذي حقيقتكم
وحبيت اليوم اني اكشف عورتها
وعاش البلام ودرويش ولا عزاء
ل بو دوخي وبوخليفه وبو فضاله
وللحديث بقية
