وكما تفاخر ابليس اللعين ومضي في غيه
مضى بعض ابناء هالوطن في غيهم
وصار الإنجاز انك تكتب وتنتقد وتشلخ
وتلعن خير ابو كل شي
بس الفرق بينهم وبين ابليس ان ابليس
حطله هدف واجتهد ان يوصل لغايته
وهي اغواء اكبر عدد ممكن من البشر
لكن اباليس هالوطن مو شاطرين الا بالهذره
والصراخ والعويل والنواح
وخلونا ناخذ من حملة ارحل
مثال على التخبط اللي قاعد نعيشه
وقبل لا ادش بالموضوع خل يعرف الكل
رايي برئيس الوزراء
من وجهة نظري ان المنصب وايد اكبر من
امكانياته المتواضعة
والحين ارجع للموضوع
ما يخفى على اي عاقل ان حملة ارحل
ما كان المقصود منها تغيير رئيس الوزراء لأن الجهة
المتزعمة حق هالموضوع اهي حركة الإخوان المسلمين
المدعوة حدس
والكل يعرف ان حدس كانت اكبر الخاسرين
بالإنتخابات الأخيرة وان القصد من هالبلبلة
حل المجلس او تعليقه وبكلى الحالتين
راح تكون النتيجة مثاليه لهم
والكل لاحظ شلون انجرف الكثير وراء هالأمر
من غير تفكير
ليش انجرفو
الجواب بسيط لأن احنا شعب ما نفكر
دايما تبهرنا العناوين المثيرة
مجرد طرح فكرة اقالة رئيس الوزراء
كافيه انها تخلي واحد كان يلعن ويسفل
بحدس ويقول عنها انها خبيثه
وكان يدعي ان ضليع بالشأن المحلي
ان يغير رايه بهالحركه ويناصرها
وللأسف حتى لو اكتشف ان تأييده خطأ
ماراح يرجع عن موقفه تدرون ليش
هم الجواب بسيط لأنه غبي ومكابر
مايبي يبين ان غلط
مو مشكلة ان الديرة يتوقف حالها عنده
مو مشكلة ان الفتنه تاكل اليابس والخضر
مو مشكله ان الناس تعاني الأمرين
كل هذا مو مشكله عنده
المهم ان برستيجه ما يتأثر
لأن غبي وسخيف ونكره ومنهجه نفس منهج ابليس
لازم يثبت على موقفه الأولي اللي بناه
نتيجة تسرعه وعدم تأنيه في قراءة
الأمر وبحث جميع نواحيه
والحين باخذ الموضوع من زاوية ثانيه
قامت الدنيا ولا قعدت على ملايين الداخلية الخمسة
وشفنا اللي شق اهدومه واللي بقى ينتحر
والنواب استنفرو ومؤيدينهم قامو يزفنون
وقالو ان هالحكومة غير مؤتمنة على
المال العام وبعدها بجم شهر
المجلس كله ك ل ه kelah
وافق بالإجماع على خطة التنمية
وكان المبلغ 37 مليار
ولنفس الحكومة الغير مؤتمنة ؟!
وما شفت احد من اللي بقو ينتحرون على
الخمس ملايين عارض او تكلم
يـاألــــــلـــــــــــه
شكثر انتو سخيفين ومؤرفين ودجالين
والله ماكنت اتخيل ان راح يجي يوم واتكلم عن
فئة من ابناء بلدي بهالطريقه
خاصة الفئة اللي كنت اتخيلها انها راح
تكون الأمل لهالديرة
امل طل بويهي وبويوهكم وبويه نوخذه
بن عيدان
بس هم بتم اتكلم واكتب واقول
جود يصحى من بقى بضميره ولو ذرة خير
اما الشياطين فمالها إلا السلاطين
وسلاطين هالديره الفئة الصامتة
اللي لابد يجيها يوم وتحرقكم
وللحديث بقية
