الوطنيين والأحرار والمغاوير والطائفيينوالإنبطاحيين واللي يكوكسون واللي مسوين شقه
كل هالنوعيات تكلمت عن فساد رئيس الوزرا
وخاضو بكل امور الدولة حتى حمامات استاذ
جابر تكلمو عنها
لكن الشي المريب والغريب
ان محد فيهم تطرق حق هالإنسان
الإستاذ محمد عبدالقادر الجاسم
سن سنه جديده ما سنها قبله حتى اعتى
المعارضين للحكم ممن سبقوه
المعارضه قديما لما كانت تعارض الإسرة
كانت تعارضها كلها لاتقول
فرع الأحمد ولا فرع السالم
الأستاذ محمد بالمقالات الأخيرة قام يدق
على وتر خطير جدا
وتر احقية فرع السالم بدور واضح في الحكم
؟؟؟؟؟؟؟؟؟؟؟؟!!!!!
والطرح هذا جدا خطير
اخطر من فساد رئيس وزرا او وزير مختلس
السؤال اللي قاعد يدور بمخي
ومعور راسي مو منو اللي ورا هالأستاذ
لأن الأمور واضحه لمن عنده عقل
السؤال
ليش فرقة حسب الله اللي ترنع على كل صغيره وكبيره
ماتكلم عن الدور الخطير اللي قاعد يلعبه
الإستاذ من خلال سلسلة مقالاته الأخيرة
وخاصة بعد رجوع الشيخ سالم العلي
؟؟؟؟؟؟؟؟؟!!!!!!
إلا إذا عندكم اجندة غير اللي قاعدين تعلنون عنها
علمونا على شان يكون عشاقكم والمسحورين
فيكم على بينه
ومنا إلى عظماء شارع التدوين
وسكوتهم المريب عن هالشخص
ولا بس شاطرين تربربون على
ان الحكومة تهددكم وتبي تقمعكم
قبل فترة قررت اني ما اتكلم بالشأن السياسي
بس الوضع الخطير اللي قاعد نمر فيه حتم
علي اني انطق
واعتقد كثرة البلاغات الكاذبة هاليومين
مؤشر خطير على ان في شي قاعد
ينطبخ
