ياملق الريال الكويتي لي قام يتشيحطانا اعرف الدنيا كلها
انا عمي رائد فضاء انا خالي رئيس مجلس ادارة
لي مر مجمع كل البنات يتحرشون فيه
لي سافر ونزل مطار اي بقعة بالعالم
الكل يناديه سموك وياشيخ
تسولف معاه عن فلوريدا يقولك عندي بيت
تقوله اوربا حلوه يقولك عندنا شقه
توصف مدا متعتك بزيارة فينس يقولك ان
ابوه مالك الزوارق اللي تبحر بقنوات البحر الأدرياتيكي
لي شراله سياره اول مايدش دوانيه او قهوه
حذف السويج نفس اطفال الحجارة يعني شوفو الموتر
وكل هذا يهون اللي ماينبلع تلقاه اكبر خروف
بالدنيا ويا الجنس الناعم
ويسوي نفسه قوي
خلصنا من المشري ونروح حق حصيصه
تلقاها راكبه جيب وراسها شوي يلصق بالسقف
تنزل من الجيب ولا الأخت فندالة
طبعا الكوشيات درزن على الكشن
لي سولفت مع المشري بالتلفون تلقاها ذربه
اهلين وشو وهاي وهلو
وبالدوام تلقاها تلف صمونة البطاط والبيذيان بقراطيسها
وكله بصوب ولي قامت تسولف عن اهلها صوب
ولد عمها يشابه براد بيت
اخوها جسمه نفس سامبرس
خالها شواربه نفس احمد مظهر
نخلص من اهلها ندش برقصها بالعروس
تسمع وصفها تتخيلها سمارة
تشوفها علبالك غسالة غاصة بزولية
نرجع حق المشري
يوم تلقاه لابس غتره مبكره يوم العقال زري
يوم زرار الدشداشه طباقي يوم سحاب
لا وهابين هبه يشيلون الشعر الزايد بليزر
والشارب يوم يخليه نفس مؤشر البورصه
يوم يسحكه اللحيه يوم سكسوكه يوم يحطلك
الخط الخفيف اللي لي شفته علبالك لابس
خوذة جوكي لا وبعضهم لي لبس قميص يطلع شعر
صدره اللي تقول نمل متيمع على علج
وحصيصة تافخة براطمها على مؤشر خمسين
وضاربة الشعر بصودا كاويه علشان لايصير
نفيش بالرطوبه
ومنا نحن بوراشد الى المشري
هذا النداء العاطفي
ــــــــــــــــــــــــــــــ
يالمشري ترا حصه تحبك
تحبك وشاريه كل مافيك
تقدملها وغض النظر عن شعرها
WELLA يخلي شعرها تفاريج
البرطم بالنومه مخده
وبالحوادث إير باق المصاليخ
المشري نخيتك يا راعي النسفات
يا بو الزلوف اللي جنها مناقيش
توكل على الرحمن واجمع مهرها
منك المال ومنها العيال الميانين
عز الله دام هذا دينك وهذا سلفها
ــــــــــــــــــــــــــــــ
:)
