ترلم ترلم طبعا لاكاشف رقم ولا بلوط انت وحظكبس احساسي كان يقول انها ام الميغ
ألو.. ولا ذاك الصوت الزفر.. الله بالخير
هلا بورزيقه شتبي داق تالي الليل
بوراشد ماسمعت عن شريط الفيديو اليديد
بورزيقه واللي يرحم والديك مو وقت اشرطه
بوراشد يقولك شي نظيف والنسخه نار حدها واضحه
بورزيقه ابوس ايدك هات من الآخر
يعني انا قلت يمكن تعرف وين احصله
بورزيقه شفيك رقله احد قايلك انا الحزام الأزرق
لا والله بوراشد قالولي الوسام
وقعد يضحك انا الصراحه صكت فيني الدنيا
يعني هم شاغل الخط مع درام هالفارت وفوق البيعه ملاقه
بورزيقه .. هلا بوراشد.. اهديك هالمقطوعه الموسيقيه
طوط طوط طوط طوط طوط طوط
ماكو انا رقعته بويه بورزيقه ولاالتلفون يرنع
انا شلته وكلي خوف لايكون صوت بوعذاب (بورزيقه)
ولا ذاك الصوت الخادر سباح (صباح) الخير
الصاد مو موجوده بقاموسها من كثر ماهي رقيقه
صباح الخير ياهلا
شلونك .. طاب لونج
حسيت ان ردي كان غلط البنت وايد كلاس
مو مال طاب لونج وتمام ومنيح مال رد فرنسي ايطالي
بس بورزيقه لاباركت فيه خرب علي الترتيبات
المهم بعد الصباحات والسؤال سادت فترة صمت قصيرة
تبون الصج كانت هالمكالمه غير عن اي مكالمه
العاده لما اكلم وحده يديده
اطلع الكتالوج واشغل الشريط المعتاد
شنو اول حرف من اسمج وين بيتكم
طالبه متزوجه منو خوالج تلعبين تنس
اي ممثله تشابهين واذا كانت خفيفه
شلابسه فاتحه الليت ماسكه السماعه بيدج الثنتين
ومن هالحجي البطالي
ام الميغ ماكان ينفع معاها اسلوب البقالات
ما اطول عليكم
استهليت مكالمتي معاها باعتذار عن الموقف السخيف
اللي تسبب فيه الشهيد بوخلي
وردت علي بكل رقه
دونت ووري
بس اسمحلي اسئلك شنو سبب اهتمامك فيني
تبين الصج .. اول شي كنت ماخذ السالفه شطانه
لكن بعد الموقف اللي حصل كل شي تغير..
وشاللي تغير ممكن تقولي
مادري شقولج بس فعلا لأول مره بحياتي احس اني
انجذب لإنسانه بهالشكل
بالبدايه وتحديدا اول مره شفتج فيها شدني جمالج
وبعد الموقف اللي حصل بالكافيه بهرتيني
بلباقتج والحين وبعد هالمحادثه القصيره اللي
دارت بينج وبيني تملكني شعور مغاير ما مر علي
قاطعتني بكل أدب
بس انا ما احس اني منجذبه لك بهالشده
ومع هذا انا اعترف انك شديت انتباهي
ولاتفتكر ان اتصالي يعني موافقه صريحه مني
بتكوين علاقه معاك
بعدين عندي ملاحظه على الكرت اللي عطيتني اياه
المفروض ان يكون Business Card
ليش حاط فيه رقمك الخاص
توهق البطل بعد هالرد الكاسح
شوفي ياعزيزتي احترم فيج صراحتج واصدقج القول
انج بعد كل جمله تقولينها قاعد يزيد اعجابي فيج
رقمي الشخصي موجود بالكرت لأني استعمله
استعمالات متعدده مرات يكون بقصد البزنس ومرات للشطانه
اما بالنسبه لعدم شدة انجذابج لي فانا اعتبر هالشي
طبيعي جدا خاصه اني اعتبر المتطفل بهالعلاقه المنشوده
وانا بعد احترم صراحتك معاي وخلني اكون معاك صريحه
اكثر مثل ما قلتلك ما انكر انك شديت انتباهي
قاطعتها وقلتلها ممكن اعرف شنو اللي شد انتباهج
وسامتك مظهرك صراحتك مشاغبتك
بس مثل ماقلتلك هذا مايعني اي شي
خلني آخذ وقتي واترك الأمور لظروفها
اوكي بس اذا ممكن طلب
اي تفضل
سواء كان قرارج بالاستمرار او عدمه وبعد ماتاخذين وقتج
افضل اني اعرف منج شخصيا
sure
وبعد السلامات والصباحات انتهت المكالمه
حطيت راسي على المخده وقعدت افكر بالكلام اللي
دار بيني وبين ام الميغ ولا التلفون يرنع
ألو ولا بورزيقه
بوراشد شفيك صكيت الخط بويهي
بورزيقه يعني انت ماتشوف الخط مشغول صارله ساعه
لازم اقولك مو وقتك
تمون تمون بوراشد بس حبيت اقولك عن الفلم
وليه ماصار فلم هذا قول شعندك
لا ما راح اقولك بس جيك على الفاكس انا دازلك
صورة ملصق الفلم الثقافي اليديد
البطل صاحبنا والبطله راح تكون مفاجأة
طقطق اليوم بصورة الملصق وباجر يوصلك الفلم
بورزيقه ما مداك مسرع ما وصلك الشريط
افا عليك بوراشد انا بورزيقه مايصعب علي شي
سكرته وتوجهت لجهاز الفاكس وكانت المفاجأة
طبعا البطل غني عن التعريف
اما البطله فلا يروح مخكم بعيد
حامض على بوزكم تكون ام الميغ
وللحديث بقيه
