ابتسمت لما سمعت هالكلمتين لملمت ماتبقى من كرامتي اللي تبعثرت على ارضية
فكتوريا وسيكرتاتها حطيت القير على ال
R
رجعت شوي مع لفة سكان خفيفة وانا اللي
ماشي بس مشيتي كانت مملوءة بالتنتع والتقطع
كان يراودني امل انها تقولي بسسسس هسسس
يعني اشارة تحسسني انها تحسفت على فعلتها
النكراء بحق نكي وحق مدونتي لكنها للأسف
هزت جتوفها بكل غنج وتمتمت بهالكلمتين
دام يـــــــــــــــو
الصراحة بعد هالهزة ياتني البجوه بس
تماسكت علشان برستيجي لا يهتز
وتعمدت اني اعرج على الستاند اللي كان
يعج بالسيكرتات اللي من نوع بيبي دول
علشان ابين لها ان الوضع عادي
شوي وانا اقلب بالقواملق ولا اشوفها مجبله
صوبي ردت فيني الروح وقلت الظاهر هذي
نوعها يتمنعن وهن الراغبات قربت مني
وهمست بإذني الظاهر من كثر اللي مرو عليك
عقبي ماعرفتني ونفخت نفخه خفيفه
على ويهي جنها تقولي هذي بصمتي اللي
طبعتها على بؤك بآخر مره التقينا فيها
الصراحة انا انثولت وبدا شريط فيديوي يرجع
فيني للوراء وبدت كلمة دام يو اللي تمتمت
فيها ترقع بمخي دام يو دام يو دام يو
وفجأة وبحركة لاشعوريه جان اضرب يبهتي
واصرخ اوووووووووووف
ميغااااااااااااااان
طبعا وانا بهالمعمه الذهنيه كانت اهي وصلت
باب فكتوريا ومع صرختي التفت والقت علي هالتحية
وللحديث بقية :)
