بينما كنت اطلق رويلاتي باحد مجمعاتالكويت واذا بهالصاروخ يمر علي الصراحة
طقتني البوهة @@ قلت الله بنات الكويت
وايد تسنعو بعد ذيج الجلحه والملحه
المهم بيني وبين نفسي قلت خل اجرب
حظي يمكن تضرب معاي هالمره يسويها البخت
جان اطق فوق تحت وابرز القلص واستن وراها
دشت بيضون دشيت وراها مرت على ستار بوكس
سيرت عليه شالت شلايلها واقتحمت
فكتوريا سكرت دفرت وراها
واخيرا وهي تقلب بحدا هالسيكرتات انتبهت
ان قيس موجود التفتت صوبي بس بحذر شديد
خافت لا يحوشها طشار بعد البنت ماتدري
شنو تسليح هالمدرعه اللي لاحقتها
يمكن صاروح طايش يحوشها
عاد انا ماصدقت خبر جان اقرب يمها
انا قربت وياليتني ما قربت هلت علي ذيج
الروايح اللي لو يشمها واحد عنده جيوب
تفتح جيوبه وجيوب سلالته كلهم
تميلحت وقطيت السلام خزتني بطرف عينها
مع رفعة حاجب وقالت
هلا اهي قالت هلا انا من هول الصدمه
خذيت السيكرت اللي بيدها ومشيت فيه
العرق اللي قام يتصبب من يبهتي
طبعا اهي استانست لما شافتني انثولت
المراد ما طول عليكم قلتلها ممكن
قالتلي مالك امل قلتلها عسى المانع
خير متزوجة ماردت علي انزين مخطوبة
هم ماردت علي انزين عندج واحد دافنته
مابين ثنايا زواياج الكريمة
ماعجبها الحجي احترت معاها
قلت خل اقولها عن سيكرتي العظيم يمكن
تحن علي المهم تنحنحت ورفعت راسي
وقلتلها وياج صاحب مدونة بوراشد شخصيا
جان تنتفض وقامت ترعش تقول بيجر
حاطينه على الهزاز
انا خفت عليها لا تنهار
وفجأة بعد كل هالمؤشرات اللي حلت عليها
تمالكت نفسها ورفعت راسها
وقالت شوف يا بوراشد انا عندي
كلمتين بقولك اياهم واتمنى انك
اتقبلهم
طز فيك وبمدونتك
وللحديث بقية
