قــصــتــي مــع الــفــاتــنــة 9

بوراشد.. ممكن اشوفك اليوم

كان هذا صوتها بالجانب الآخر من الهاتف

.....

اوكي.. شوفي وين تحبين نتقابل وانا حاضر

.....

مادري انت قول بس افضل ان نكون بمكان صاد

.....

شرايج اشوفج بين المقبرتين

.....

من صجك ! مواعد ينيه :/

.....

مو انتي قلتي تبين مكان صاد ومافيه احد

يشوفنا .. مافي احسن من هالموقع

سكون والإضاءة خافته .. لا وفي ميزه

وايد حلوه الناس كلها سوا

الغني والفقير والشيعي والسني والبيسيري

والأصيل والجاهل والمتعلم

والبيوت تقريبا متشابهه والأحلا من هذا كله

ان الموضه الدارجه الأبيض

.....

بوراشد .. شصاير علشان هالمحاضره ؟!

.....

اللي صاير ان بيصيرلنا سنه من عرفنا بعض

وكل شوفاتي لج .. يا بسكه ظلمه او بمواقف

سيارات ويوم كشخنا شفتج عند كراج الزياني :/

.....

خلاص المره اليايه اشوفك بالشاليه

.....

اعتبر هالرد طنازه ؟

.....

مادري عنك وين تبيني اشوفك يعني

تبيني اكشخ بطاوله يمك ب سالو مايو

او شرايك نطق الكشف وقعدك صدر يمي

وناخذلنا فره بشارع الحب

.....

يعني انتي ياسرايين يا ظلمه

الله ماكثر الأماكن الصاده بالكويت

.....

بوراشد لاتلف ودور معاي هات من الآخر

انا خابرتك صريح قول شاللي يدور في بالك

.....

انا مسافر بعد جم يوم وادري فيج تقدرين

تضبطين امورج وتلحقيني .. واعتقد بره

بناخذ راحتنا لا بوخليل يشوفنا

ولا سبجوه وخواتها يناشبونا

ها شقلتي

.....

ماعندي مانع .. بس ودي اعرف شي

انت شحاط في بالك

تبيني اسكن معاك مثلا بسكن واحد

وماله داعي اوضح اكثر لأنك فاهم قصدي

.....

تبين الصج مادري شاللي راح يصير

انا تعودت لما اشوفج بالديره يكون بينا

حاجز واكثر مره قربت منج كان بيني وبينج

جم شبر لاكن بالسفر الوضع بيتغير

اكيد راح نطلع مع بعض .. بنركب تاكسي

بنروح مطعم .. بنقعد بلوبي .. بنروح حديقه

متحف مول ملاهي

.....

يعني ممكن تمسك ايدي وممكن واحنا بقطار الموت

اخترع وألمك وممكن نروح حديقة الحيوانات

واخاف من الأسد وانخش بحضنك

وهم ممكن نروح السينما ونشوف فلم رومانس

واحنا رادين نوقف على باب السكن وتلعب بشعري

ويتطور الموقف ونندمج

.....

كل شي وارد وكل شي ممكن يصير

بس اللي اعرفه ان مافيه احد يخاف عليج

كثري بهالدنيا

.....

هالشي انا متأكده منه زين

بوراشد .. تدري شنو اكثر خصله فيك تعجبني

صراحتك ....

.....

الحين خلج من صراحتي ومكارم اخلاقي

تسافرين معاي ولا اشوفج بين المقبرتين

.....

انا عندي خوش راي

شرايك نمر على المقبرتين واحنا بالهوا

;)

وللحديث بقيه

بوفارس خابر قبل جم يوم يوم طلعتو وخليتوني مع البطي بروحنا ..

ايه اذكر شاللي صار.. يقول البطي طيب الله انفاسه ان ذاك اليوم

ياله اتصال من الملكه اليزابيث وقالتله مستر بوتي بليز انقذنا

ساعة بغ بن واقفه ومافي غيرك يصلحها .. يقول دقيت الهلكبتور

سلف وبظرف ساعه كنت بأجواء لندن نزلت عدتي وعاينت موقع الخلل

وباشرت العمل وخلال دقايق ولا الساعه تصيح بدقتها الشهيره دنق

دونق يقول بعدها سمعت اصوات اهازيج ويوم طليت من فوق سطح

الساعه ولا الناس متيمعه تحت ومعاهم الملكه وحاشيتها وقاعدين

يقولون بصوت واحد بوتي بوتي (بوطي بوطي) يقول تشكرت منهم وقبل

لا اركب الهلكبتور ولا الملكه ماسكه ميكرفون نفس مال مشجعين

السعوديه وتقول مستر بوتي اليوم عشاك عندي يقول تعذرت منها

وقلتلها السموحه يا ام تشارلز برلسكوني داق علي من روما وناخيني

يقول ان برج بيزا منتجل وطايح على برد وقالي ماكو غيرك يرده

على نجلته الأوليه وعاشت سالفته ودامت صحته .. عاش بوفاااارس :)

تــــــا بـــعــــو نـــي