تعودنا من يوم احنا صغار ان نسمعان كل فتاة يكون لها فارس احلام
يأتيها على حصان (ج و ا د)
لكن اللي ماسمعناه ان الفتاة تعجب بالحصان
وتتجاهل الفارس وهذا ماحصل مع شينة الحلايا
شينة الحلايا هذي قصتها قصة
تقدرون تقولون مدونة دايما تدعي انها ام
السنع وتحب اتنطط بين المدونات مثل
اليراده ومن المدونات اللي كانت تنط عليها
مدونتي الدايخه وكانت جدا زينه معاي
تسولف وتمدح وتكركر وتبدي رايها
واذكر وقتها ان في حملة سوتها وحدة من
الزميلات واطلقت على الحملة نظفها
وكان المقصود من هالحملة انك تنظف مدونتك من
لينكات المدونات المشبوهة او خلونا نقول
بالكويتي المدونات الوسخة
وخلوني اقولكم شغله زميلتنا العزيزه راعية
الفكرة تفاجأت ان فكرتها انباقت من هالشق
لي هالشق وبمباركة من زميلتها العزيزة
شينة الحلايا اللي نتكلم عنها
المهم ما اطول عليكم
صاحبتنا الشينة اول ما مسحت امسحت
لينك مدونتي الدايخه
وانا تقبلت الأمر بروح رياضية
وقلت بيني وبين نفسي دام ان الزينه (الشينه)
معتبره مدونتي مشبوهة ومن غير لا تبديلي
اي اسباب فهذا رايها وهي حره فيه
وراحت الأيام ويت الى ان شفتلها بالصدفة
تعليق عند مدون كتب موضوع قبل فتره عن الخرفان
وصادف ان موضوعه نزل بعد موضوعي
المدونات الكويتية مابين الحقيقة والزيف
وهالموضوع بالذات كنت متكلم عن وصفي لبعض
المدونين بالخرفان
وكان تعليقها على موضوع المدون
احسنت وابدعت مابين سطورك ومن هالحجي
البطالي اللي تقص فيه على هالمساكين
وصادف ايضا ان المدون الحصان (ج و ا د)
علق على نفس الموضوع وكان تعليقه مشابه
لتعليق شينة الحلايا
اللي لفت انتباهي ان شينة الحلايا وبوجواد (حلوم)
من النادر انهم يعلقون على مثل هالمواضيع
لكن لأن في بطنهم ريح من ناحيتي
ولأنهم ما عندهم المقدرة على المواجهة
ففضلو انهم يوصلون لي رسالة عن طريق تعليقاتهم
الخلاصة من هالحجي اللي قلته
ان اكثر لحظات حياتي فرح وسعاده
عندما اكتشف ان المتعوس إلتم على خايبة الرجا
فما اجمله من توافق
وهمسه بإذن كل متلون ومنافقه
اللف والدوران معاي ما ينفع
لأني تعودت اطقها بالويه
ومن غير رتوش ومجاملات
وهدية مني لكل من يقرأ هالبوست
اغنية الجميري
يالزينه ذكريني لي حلج بطنج بعد هالبوست
اكتفي بهذا القدر اليوم
وموضوعنا الياي راح يكون عن
الدايخين من المدونين والمدونات
اللي يدعون انهم مايتابعون قناة سكوب
وهم بالواقع نايمين عليها اكثر من نومة
سعود الفرع (الورع)بوجبة ماكي
سوشي بفطر الطرثوث
ـــــــــــــــــــــــــــــ
ملاحظة مهمة جدا
سفيد رود تعني باللغة الفارسية
النهر الأبيض
ولكل من يعتقد ان جانبني الصواب بهالبوست
اقوله خلك على سنتك وخلني على طفاقتي
واللي بيقولي رفقا بالقوارير
بقوله نحن في هالمدونة ننتقد الفكر
لا الشخوص والفكر مايعرف قاروره وجدر
تابعوني ......
namaste
