ودي ارجع صفحة بيضهعلشان ارد اكتبني من يديد
المشكلة اني قطعت شوط طويل ومافي مجال
اني امسح خطاياي
مافي حل إلا اني ارجع صفحة بيضه
فكرت وايد شلون ارجع
اهاجر واقط كل شي ورى ظهري
او ممكن اتصوف
فكرت بحلول وايد ترجعني لصفحة البداية
لقيت ان كل هالحلول بمثابة مخدر آني
انزين والحل
تبون الصج ماني قادر القى حلول
لأن القدر حسم المسألة
والحروف ملأت السطور
يعني مافي حل إلا إني اشق الصفحة
بس شقة الصفحة تعني النهاية
رجعت افكر مرة ثانية
وقلت ليش ما رد املا الفراغات اللي مابين
السطور
وتصير الصفحة عبارة عن قصتين
قصة كتبتها الأقدار
وقصة كتبتها انا
فكم من صفحات طويت
وكان بالإمكان اعادة صياغتها من جديد
رؤية جديدة
نفس جديد
حياة جديدة
شكرا لك ياقلمي الجميل
ياملاذي الآمن
يامن تمنحني فسحة من الأمل
انا في اشد الحاجة إليها
bo rashed
