الأربعاء، سبتمبر 07، 2011

مـا حــد ا .. لــحــد ا ..

مثله مثل غيره


حلم وهو صغير ان يكون عنده بيت


زوجة اولاد حياة مستقرة


حلم ان يحب وينحب


يعطي وبالمقابل يبادلونه العطاء


كبر وكبر حلمه معاه


لكن كان هناك شي خفي يكبر


مع احلامه وآماله وطموحه


شي خفي ماكان يدري عنه

كيان كريه ومقم .. شر


هالشر كان يمشي مع تمنياته


خطوة بخطوة كان مثل ظله ملازمه


بالبداية ما اهتم حق بعض الإشارات


اللي بدت تأثر على احلامه


اعتقد انها اشياء طبيعية ممكن


تصير مع اي انسان لكن مع مرور


الوقت بدا يلاحظ ان في شي مو طبيعي


كان لما يحب شي يروح منه من غير

اسباب منطقيه .. كان لما يضحك


يحس ان في شي بـ .. يتل هالضحكة منه


بعز فرحته يموت له عزيز


بقمة نجاحه تحدث كارثة


حتى بحزنه كان يصادف افراح احبابه


كان يمني النفس ويقول


باجر احلا


اللي بعده افضل


لكن واقع الحال كان العكس

تكسرت كل آماله على ارضية سنينه


احلامه تبخرت مع سخونة ازماته المستمرة


حاول يقاوم .. صنع من هزائم ايامه


صموده .. يمع خيوط مصايبه وغزل منهم


درع وتسلح فيه ضد ضربات القدر


حاول وحاول وحاول


لكن بالنهاية ادرك ان خصمه اقوى منه


عرف ان من الصعب انك تهزم شي خفي


والمستحيل انك تحارب من غير سند

لملم اللي بقى له من احلامه


وخشهم بركن صغير بصدره


قفل عليهم عل وعسى يغفل عنهم


الشر اللي لازمه من بداية مشواره


وكتب هالكلمات عنوان للي بقى من ايامه


..........


مرات اصف الحجي


واحيان تصفني حروفي


وايام يطربني الوتر

وسنين تضربني دفوفي


واليوم لا جيت ولا رحت


عيت تسعدني ظروفي


يمناي تسقيني شهد


واليسرى يبست يوفي


..........


وللـــحـــديــث بــقــيــة


تـــا بــــعـــو نــي