هي من مواليد الكويت .. ماعرفت غيرهالأرض وطن .. اول مافتحت عينها على الدنيا
علموها اهلها ان الكويت وطنها
تعلمت بالمدارس وكانت تردد عاشت الكويت
لما تشوف اي تعليق يهاجم الكويت بأي مكان
تدافع بكل شراسه عن الكويت .. تنام
والكويت بعينها .. بالعيد الوطني تلبس
دراعتها اللي زانتها ألوان علم الكويت
الكويت بالنسبه لها كل شي مع انها محرومه
من الدفتر الأسود اللي اسمه جنسيه
لكن هالحرمان مااثر بحبها حق وطنها
اللي ماتعرف غيره
ولدت بدون ولازالت بدون
........
احداث البدون اللي صارت بالكويت قبل يومين
ادانها الكثير وايضا الكثير التمس لهم العذر
لكن هناك حقيقه يغفلها البعض
هناك من ولد على هالأرض وهو بدون
لاناقة له في مايحدث ولاجمل
لايفهم دهاليز السياسه البغيضه اللي
حرمته من حق مشروع وهو أن يكون له اعتبار
هؤلاء يجب ان نتوقف امامهم طويلا
ونحتاج لوقفه جاده من غير لجان وجمعيات
والحلول كثيره .. وممكن تستفيدون من
الدول اللي فيها مهاجرين غير شرعيين
ارحمو من في الأرض يرحمكم من في السماء
والله المستعان والحافظ الله ياكويت
..........
تــــــا بـــعـــو نـــي
