الأحد، يونيو 19، 2011

kuwait >>>> i miss you

صباحكم خير ومساكم مسرات


............................................


قبل وتحديدا قبل النفط .. كانت الكويت عبارة عن خليط من كل نوع


الكل راضي بعيشته .. ناس تبني وناس تكد البحر وناس بالصحرا


تجار على فقاره على صناع على حرفيه الكل يساهم والكل يسعى


ومثل كل مجتمع .. فيه الزين والشين..لكن الميزة بالكويت قديما


ان الكل تقريبا كان حريص على الديرة..وقت المرض يتكاتفون


وقت الخطر يتوحدون..بالعسر شاكرين وباليسر حامدين والكل


كان يقول انا كويتي.. كـــــو يــــــــتـــــــــــــي

..........................................


اليوم للأسف تغير حال المجتمع الكويتي .. تفرقو وصارو قبائل


وعوائل وطوائف وملل ونحل .. والكل يركض ورى مصالحه


اما مصلحة الديرة .. فالسلام عليكم ورحمة الله وبركاته


..........................................


يسولف معاي صديق قبل جم يوم .. يقول


انا مستغرب من حال بعض النواب..يشجعون الشباب على كسر القانون


يشجعون على العصيان وعلى كسر كلمة ولي الأمر .. ويتفننون


مره ينزلون الشارع .. مره يسوون ندوات تحريضية .. مره استجوابات


من كل شكل ونوع .. واخيرا وصلنا لي هبة جمعة الرحيل وخواتها

........................................


رديت عليه .. شتنطر من نواب وصلو كرسي المجلس بطريقة غير


قانونية .. اللي وصل عن طريق فرعية .. واللي وصل بفلوسه


واللي وصل من خلال انتماءه لطائفة .. واللي واللي واللي


وازيدك من الشعر بيت .. اذا وصل المجلس .. كل همه يمشي


معاملات بالواسطة مثل سفرات العلاج .. يعين ربعه وجماعته


بمناصب ما يستحقونها .. يحوس على مناقصات الدولة


ينبش ورى كل مشروع تجاري علشان يستفيد منه


اذا عنده خصومة شخصية مع اي احد كيفها على انها خصومة

مهنية وهات يا ضرب فيه .. وغيره وغيره وغيره


..............................................


يعني بالكويتي اعضائك تقريبا غالبيتهم خارجين على القانون


واللي تعود على كسر القانون لا ترجا منه خير ابد


...............................................


اخيرا وحسب رؤيتي المتواضعة ومن خلال الأحداث اللي مرت


على الديره بالأسابيع القليلة اللي طافت


اكتشفت ان السواد الأعظم من الكويتيين .. مو عاجبهم الحال


ومو راضين ابد عن اللي قاعد يصير من القلة اللي عافسينا

بجمعة رحيل وجمعة غضب وجمعة رد هذا غير اصحاب البطيخ


...............................................


اقترح التالي .. يجتمع اهل الرأي مع كبار القوم


حضر وبدو سنة وشيعة تجار وفقاره مثقفين وزقمبيه


ويقولون لهم ترى بنطبق القانون على كل واحد يحاول يزعزع


استقرار الديرة .. وياخذون منهم العهد وبعدها يشتغلون


بس هااااااااا مثل ما طبقون القانون على عيالنا طبقو على عيالكم


وبعدها قـــــــــــــــــفــــــــــــــــــا ل


kuwait >> i miss you

................................................
تـــــــــــا بــــــــــــــعـــــــــو نــي