لمن يتساءل نحن مجموعة من البنات والشبابفي التويتر قررنا نسوي تجمع اطلقنا عليه
أ مــن الـــكـــويـــت اولاَ
نبي يجتمعون فيه اهل الكويت يعبرون عن ما
يجول في خاطرهم وقاعدين نسعى ان يصل صدانا
لابعد مدى ويكفي مجرد الإيمان بأننا نريد
كــــويـــت افـــضـــل
........
كلمات عفويه بريئه صادقه كتبوها شباب بعمر
الورد يدشنون فيها حملتهم امن الكويت اولا
شعارهم يعبر عنهم وعن نواياهم
( مهما تفرقنا الكويت تجمعنا )
........
ليش bo rashed قاعد يكتب عن هالحمله
آهااااااا خوش سؤال
كتبت عنها لانها مفتوحه للكل لاتتبع تيار
ولا حزب ولا تكتل ولا جمعية
الحملة تقريبا اطلقوها الشباب من اسبوعين
عدد الفلو (المتابعين ) ماتعدو الى
الآن ال 400 شويه صح انا اقولكم ليش شويه
بس قبل لا اقولكم ابيكم تشوفون الفلو حق
هذا موقع ضمير الأمة مسلم البراك المتابعين
له وصل عددهم فوق ال 5000 الاف وللعلم بوحمود
لي يومنا ماكتب حرف واحد بصفحته ؟؟!
........
شي غريب صح .. موقع عبارة عن صفحه بيضه
يتبعه هالعدد الكبير وموقع مفتوح للكل
واهدافه راقيه المتابعين له قله
وخلوني اشطح شوووويه وافرض ان تجمع شبابي
آخر قرر ان يسوي حمله ويسميها حملة
إلا الرمز والضمير .. تدرون شاللي راح يصير
راح تشوفون هوشة اصابع على الكيبورد
كل من يرعص على مفردة follow
ادري قاعدين تقولون ليش جذي ؟!
........
السبب بسيط .. احنا بالكويت صرنا نحب
كل شي فيه اثارة .. نحب الصراخ نحب النجره
نحب الـ لسان الطويل نحب نقص على روحنا
نحب نسوي ابطال من ورق نحب نركض ورى الميانين
نحب الشعارات الرنانة نحب الارقام الكبيره
ومو مهم منو نتابع او شنو طرحه اهم شي عندنا
ان اللي نتابعه عنده بريق اعلامي حتى لو
كان هالبريق عباره عن فقاعه ممكن تنبط
بأي لـــــحـــظــــه ؟؟!!!
........
صبايا ..و شباب الحمله بارك الله في
مسعاكم وكافي ان هدفكم نبيل وما تاخذون
من وراه مقابل لا عطوكم مناقصات ولا عطوكم
اراضي ولا اجرو منكم عمارات ولا عطوكم شيكات
ولا وعدوكم بمناصب بالعكس انتو اللي عطيتو
حب وجهد وزرعتو امل وبسمه
وللعلم انا ماتربطني اي علاقه باصحاب الحمله
لكن حبيت اكتب كلمة بحق هالاسباع
وما يهزك ريح يامركب هوانا
ويكفيكم فخر انكم سطرتو هالكلمات
(ويكفي مجرد الإيمان اننا نريد كويت افضل)
وارجو ان تكون هالسطور بمثابة سطار
يصحي من نام طويلا في احضان السفهاء
........
لينك الـــمـــوقـــــع على تويتر
........
تـــا بـــعـــو نــــي
